Keçmiş deputatın oğlundan inanılmaz Adnan Oktar açıqlaması: “Atam ölən kimi, anamı qandırıb”

Türkiyənin keçmiş millət vəkili Tofiq Ertüzünün oğlu Adnan Oktarla bağlı inanılmaz açıqlama verib.

Publika.az xəbər verir ki, o, atasının ölümündən sonra ondan qalan evləri və pulları Adnan Oktarın necə qəsb etdiyini açıqlayıb.

“Atam 1998-ci ilin yanvar ayında vəfat edib. Adnan Oktarın adamları olan dayım və xalamın davamlı təbliğatından sonra anam da təşkilata qoşuldu. Mənə və qardaşıma miras qalan külli miqdarda xarici valyuta, bugünkü dəyərlə təxminən 1 milyon TL məbləğində səhmlər, atamın maşını və mənzil biz 18 yaşına çatmadan Adnan Oktarın əmri ilə anam tərəfindən satıldı. Pulu təşkilata təhvil verildi. Dövlət tərəfindən atamın elmi dərəcəsi, millət vəkilli, həmçinin bizim yetimliyimizlə bağlı ayrılan vəsait də təşkilata verildi. Adnan Oktar isə mənə dedi ki, atandan çox mal qalıbmış, ye, ye, bitmir”.