İşdən çıxarılacaq digər icra başçıları – Adlar

Dünən aylardır haqqında yazılan icra başçısı Xaləddin İsgəndərov işdən çıxarıldı

Bənzər Yazılar

Sabahın havası: Yağış, qar yağacaq

Məlahət Mürşüdlü vəfat etdi

Nazirlik Kəlbəcərdəki qızıl yatağı məsələsinə tam aydınlıq gətirdi ÖLKƏ 28.11.2020, 12:25 Noyabrın 25-də 27 illik erməni işğalından azad edilən Kəlbəcər rayonunda yerləşən Söyüdlü (ermənilər “Zod” adlandırır – red.) yatağının hansı tərəfdə qalacağı mübahisələrə səbəb olub. Qeyd edək ki, 112 ton qızıl ehtiyatları olan yataq Cənubi Qafqazda başqa yataqlarla müqayisədə ən yüksək iqtisadi göstəricilərə malikdir – 1 ton filizdə 7,3 qram qızıl. Qaynarinfo xəbər verir ki, Azərbaycan Ekologiya və Təbii Sərvətlər Nazirliyinin Milli Geoloji Xidmətinin rəisi Əli Əliyev Turan-a açıqlamasında yataqla bağlı bir çox məqamlara aydınlıq gətirib. Onun sözlərinə görə, Azərbaycan və Ermənistan arasındakı dövlət sərhədi SSRİ vaxtında keçən xətlə bölündüyü təqdirdə “Zod-Söyüdlü qızıl mədəninin 74%-i Azərbaycanın Kəlbəcər rayonu ərazisində, qalanı Ermənistanda qalacaq: “Bu yataqda aşqar azdır, qızıl tərkibi çoxdur. Onu istismar etmək asandır. Qafqazın bu ən böyük yatağının tərkibində qızıl az olan hissəsi Ermənistanda yerləşir. Bunu bilən erməni biznesmenlər Kəlbəcər rayonunun işğalından istifadə ediblər və intensiv olaraq məhz zəngin Azərbaycan hissəsində, böyük sahədə işləyiblər, bizim zonadan mümkün qədər çox filiz çıxarmağa çalışıblar. Ermənilər yatağın bizə məxsus olan hissəsini məhv etməyə çalışıblar ki, bizə heç nə qalmasın. Amma əminəm ki, 27 illik işğaldan və vəhşicəsinə mənimsənildikdən sonra da Söyüdlü yatağı boş deyil. Biz yaxın aylarda bu zonanın monitorinqinə, ziyanın qiymətləndirilməsinə başlayacağıq”. Nazirlik rəsmisi bildirib ki, adıçəkilən yatağın istismarı perspektivlərinin müəyyən texnoloji və digər spesifik məqamları var: “Bizim son illər “Zod” (“Sot”) yatağında operator olan Rusiya şirkəti ilə əlaqəmiz olmayıb. Noyabrın 25-dən etibarən Azərbaycan yatağın əsas hissəsi üzərində hüquqlarını özünə qaytarır”. Əli Əliyevin sözlərinə görə, noyabrın 27-də nazirlikdə digər qızıl yatağı – Azərbaycanın Zəngilan rayonunda yerləşən Veynəli ilə bağlı müzakirələr aparılıb: “Biz onunla bağlı bütün məsələləri qaldırmışıq və artıq yaxın günlərdə onun vəziyyətinin monitorinqinə və qiymətləndirilməsinə başlayacağıq”. Ağdərə (Tərtər rayonunun ərazisi) yaxınlığındakı “Qızılbulaq” yatağına gəlincə, nazirlik nümayəndəsinin sözlərinə görə, Tərtər rayonunun qalan hissəsi azad edildikdən sonra o da Azərbaycanın yurisdiksiyasına düşür: “Bu üç yataq – Söyüdlü, Veynəli və Qızılbulaq 1997-ci ilin avqustunda RV İnvestment-lə imzalanmış PSA müqaviləsinə daxildir. Biz özümüz ilkin monitorinq və qiymətləndirmə apardıqdan sonra bu şirkətin mütəxəssislərini bu yataqların vəziyyətinin qiymətləndirilməsinə cəlb edəcəyik. Azərbaycan prezidentinin sərəncamı ilə yaradılmış azad edilmiş ərazilərdəki aktivlərin qiymətləndirilməsi üzrə komissiya fəal işə başlayıb və biz onun işinin, o cümlədən filiz yataqları ilə bağlı işinin nəticələrini daha sonra bölüşəcəyik”.

Bəlkə də mübarək ayın birinci günündə bu, binəqədililər üçün ən xoş xəbər oldu.

Əvvəlcə xatırladaq ki, bir müddət öncə onun vəzifəsindən uzaqlaşdırıldığı barədə ilk minval.info (xəbər burada) xəbər verdi. Əslində, elə o zamandan Xaləddin İsgəndərov işdən çıxarılmışdı. Zatən heç bir müsbət fəaliyyəti ilə yadda qalmayan sabiq başçı, dünənə qədər formal olaraq postunda sadəcə əyləşmişdi.

Onun işdən çıxarılmasından bəhs edilən məqalədə bunu sabiq nazir Fazil Məmmədovun vəzifəsini itirməsilə əlaqələndirdik. Sabiq nazir postundan uzaqlaşdırılandan bir qədər sonra yaxın qohumlarının işdən çıxarılması da bu faktı təsdiqlədi. Məsələn, F.Məmmədovun bacısının həyat yoldaşı Namiq Quliyev, qudası Namiq Əliyev, bacısı oğlu Elnur İsgəndərov yola salındı.

Elnurun atası Xaləddin İsgəndərov bir qədər yubansa da çox keçmədi ki, ismi adlarını sadaladıqlarımızın arasında yer aldı. Yeri gəlmişkən ata-bala gördükləri işlərilə sözün əsil mənasında Binəqədi rayonunun axırına çıxmışdı. Bu barədə ötən yazılarımızda qeyd etdik.

İndi isə növbə sabiq nazirə yaxınlığı ilə seçilən, həmçinin fəaliyyətilə dünən yola salınan Xaləddin İsgəndərovdan heç də geri qalmayan bölgədəki icra başçılarına…

İddiaya görə, sabiq icra başçısı adına layiq görüləcək isimlər arasında Gədəbəy, Şəmkir və Yardımlı icra hakimiyyətlərinin rəhbərləri yer alıb.

Öncə Bakıya məsafə baxımından yaxın olan cənub rayonun icra başçısı Rəcəb Babaşovda bir az bəhs edək. Təsadüfi deyil ki, Babaşov bu posta Vergilər Nazirliyində İri Vergi Ödəyiciləri Departamentinin rəisi vəzifəsindən gətirilib. Xaləddin İsgəndərovdan sonra onun da işdən çıxarılacağı qeyd edilir. Məbuatda Rəcəb Babaşovun adı müxtəlif maliyyə maxinasiyalarından tutmuş “MTN işi”nədək ən müxtəlif məsələlərdə hallanıb. Hətta Qazaxın icra başçısı olduğu dövrdə belə onun gömrük rəisi ilə əlbəyaxa dalaşdığı barədə xəbərlər yayılıb. Buna səbəb isə Babaşovun Gürcüstandan qaçaqmal yolu ilə siqaretlərin ölkəyə keçirmək istəyi göstərilir.

Şəmkirin icra başçısı Alimpaşa Məmmədov da Xaləddin İsgəndərovun dərd ortağına çevriləcək namizədlərdəndir. O da həmkarı kimi Vergilər Nazirliyi Bakı şəhər Vergilər Departamentinin rəisi vəzifəsində çalışıb. 2014-cü ildə isə Şəmkir Rayon İcra Hakimiyyətinin başçısı təyin edilib. Məlumata görə A.Məmmədovun sabiq nazir ilə maraqlı tanışlığı onu bu vəzifəyə qaldırıb.

O, yüksək vəzifədə olmamışdan əvvəl toy məclislərində həm tamada, həm də ifaçı kimi çalışıb. Tanışlığa gəlincə, A.Məmmədov nazirin iştirak etdiyi toyda köhnə peşəsi ilə məşğul olub. O, təsadüfən nazirlə rəqs meydançasında üz-üzə gəlib və onunla bir neçə dəqiqə oynayıb. A.Məmmədov masa arxasına dönəndən sonra sabiq nazirlə rəqs etməyin onun üçün şərəfli olduğunu söyləyib və buna görə kövrəlib. Söhbət F.Məmmədova çatdıqdan sonra Alimpaşa Məmmədovun “yuxarı”lara doğru yolu açılıb.

Gədəbəyin icra başçısı Ramiz Yediyarov Fazil Məmmədov işdən çıxarılan gündən bu günə kimi narahatlıq içərisindədir. Dünən komandalarından daha bir nəfər “qırmızı vərəqə” ilə oyundan kənarlaşdırıldıqdan sonra Yediyarov özünə yer tapa bilmir.

O, icra başçısı təyin olunana qədər Şəmkir rayon Vergilər Şöbəsinin rəisi postunu tuturdu. R.Yediyarov da komanda yoldaşlarından heç də geri qalmayıb. Yuxarı-aşağı özünəməxsusluğu ilə seçilib. İddia edilir ki, icra başçısı əsasən sahibkarlara qarşı zülm etməsi ilə yadda qalıb.

REPORTYOR.info