Xalq artisti Flora Kərimova əməkdar artist Röya Ayxanın “xain, şərəfsiz, ikiüzlü” sözlərinə cavab verib.
Axşam.az xəbər verir ki, xalq artisti sosial şəbəkədə Röyanın illər əvvəl çəkilmiş fotosunu paylaşaraq yazıb:
“Röya öz biədəb cavabı ilə tərbiyəsizliyini təsdiq etdi! “Sən bizi önündə otuzdurub dövlətinə qarşı mitinqlərə hazırlayan şərəfsiz idin!”- Sadəcə gülüb bunu deyirəm: Aşığın sözü qurtaranda “dalay-dalay” deyər.
İndi keçək sənin “Röya” jurnalına. İllər qabaq mənim ünvanıma yönəltdiyin jurnaldakı jest sənin üçün vərdişli, normal bir haldır. Oxuculardan üzr istəyərək, səhifədə olan şəkil və mətni təqdim edirəm”.
