Fazil Mustafadan hökumətə çağırış

18 Sentyabr 2019 - 14:58
133 oxunma

Millət vəkili Fazil Mustafa təhsil eksperti Kamran Əsədovun şagirdlərdən ictimai nəqliyyatda gediş haqqı alınmaması ilə bağlı çağırışına reaksiya verib.

Reportyor.info xəbər verir ki, F. Mustafa məktəbli formasında olan istənilən uşaqdan ictimai nəqliyyatda vəsait alınmamalı olduğunu bildirərək, bu istiqamətdə işlər görülməsinə çağırış edib:

“Bu gün acınacaqlı, ağır və bəlkə də bağışlanması çətin olan bir hadisə baş verib. “Bakı Bus” sürücüsü ana və onunla birlikdə olan 3 övladından gediş haqqı tələb edib, əks halda avtobusu sürməyəcəyini deyib. Doğrudur, hüquq baxımından sürücü haqlıdır, çünki 5 yaşdan yuxarı uşaqların nəqliyyat xərcinin ödənilməsi Nazirlər Kabinetinin qərarı ilə müəyyənləşib.

Ancaq düşünün, həmin ana ödəniş imkanı olmadığına görə sürücünün israrı ilə üç övladını avtobusdan düşürüb və evə dönüb. Demək ki, 3 Azərbaycan övladı imkansızlığı görə məktəbə gedə bilməyib. Burada çıxış yolu nədir? Nazirlər Kabineti bu qərarı mütləq dəyişməlidir. Məktəbli formasında olan istənilən uşaqdan ictimai nəqliyyatda vəsait alınmamalıdır.

Hökumət bunun kompensasiya yolunu tapa bilər. Əsas hədəfimiz məktəbdən kənarda heç bir uşağın qalmamasıdır. Bakı Nəqliyyat Agentliyi və Bakı Metropoliteni iş günlərində məktəbli geyimində olan uşağı məktəbə pulsuz daşımalıdır. Uşaq pul qazanmırsa, valideynin də nəqliyyat üçün ödəməyə pulu yoxdursa, uşaq oxumamalıdır?”

Qeyd edək ki, bu gün Təhsil eksperti Kamran Əsədov şagirdlərdən ictimai nəqliyyatda gediş haqqı alınmaması üçün Nazirlər Kabinetinə, Milli Məclisə, Təhsil Nazirliyinə və Bakı Nəqliyyat Agentliyinə müraciət edib.

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"