“Marketlərdə bir sıra ərzaq, eyni zamanda yerli istehsal olunan məhsullarda qiymət artımı müşahidə olunur”.
Bu sözləri “Yeni Sabah” a açıqlamasında İqtisadçı ekspert Vüqar Bayramov bildirib. Onun sözlərinə görə, bəzi məhsulların bahalaşması idxal xərclərinin artması ilə bağlıdır: “Bu, ölkədə idxal olunan və ölkəyə idxal olunan xərclərin artmasına, bu da məhsulların bahalaşmasına gətirib çıxarır. Eyni zamdan topdan satış qiymətlərində artımlar var. Bu da nəticədə pərakəndə satış qiymətlərinə təsir göstərir. Nəzərə alsaq ki, milli valyutanın məzənnəsi sabitdir, praktik olaraq artmanın yanvar ayına düşdüyünü götürsək əmək haqlarında da artım yoxdur. Adətən inflyasiya o zaman baş verir ki, ya milli valyutanın məzənnəsi dəyişir, ya da əmək haqlarında artımlar olur. Buna uyğun olaraq pul kütləsi artır, nəticədə qiymətlər qalxır. Azərbaycanda yanvar ayında əmək haqları artmayıb, məzənnə stabildir, bu konteksdən ərzaq məhsullarının topdan satış, eləcə də pərakəndə satış qiymətlərinin artımını iqtisadi analiz etmək çox çətindir”.
Ekspert vurğulayıb ki, qiymət artımları daha çox ərzaq məhsullarında olduğundan, bu, bəzi şirkətlərin süniləşdirilmiş qiymət artımlarına getməklə məhsullarını daha baha satmağa çalışdıqlarından xəbər verir: “Əmək haqqı artmadığı halda qiymət artımı vətəndaşların xərcini artırır, onların sosial müdafiəsi baxımından arzuolunan deyil. Qiymətlərin monitorinq olunması, hansı məhsullarda neçə fazi artım olması ilə bağlı rəsmi açıqlamaya ehtiyac var. Təbii ki, səbəblər də monitorinq edilməlidir. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Agentliyi qiymətlərin monitorinqini apara bilir və aparmalıdır. Monitorinqin nəticələrinin ictimaiyyətə açıqlanması vacibdir. Bundan sonra qiymət artımlarının əsl səbəblərinin hansı səviyyədə inhisarçılıqla bağlı olub olmadığını müəyyənləşdirmək mümkündür
