Cahangir Hacıyevin bacanağı məhkəmədə ifadə verib –Sabiq baş bankir hansı veksellərə pul ayırıb?

25 Fevral 2019 - 19:39
81 oxunma

Bu gün Bakı Ağır Cinayətlər Məhkəməsində mənimsəmədə təqsirləndirilən “Azərbaycan Beynəlxalq Bankı” ASC-nin İdarə Heyətinin sabiq sədri Cahangir Hacıyev, onun bacanağı İsmayıl Hidayət-zadə, sabiq deputat Dünyamin Xəlilov, Camal Həsənov, Sərxan Rəsulov, Natiq İmanov, Samir Hacıyev, Təbriz Əbdülhəmidov, Mahir Qafarov, Sadıx Murtuzayev, Tərlan Məhərrəmov, Fəxrəddin Heybətov, Ramin Əhmədov, Fariz Muradov, Səlahəddin Qədirov, Erxan Cavad, Arif Ramazanov, Navai Şirinov, Svetlana Əsədullayeva, Arif Mədətov, Adil Mikayılov, Ramis Kərimovun cinayət işi üzrə məhkəmə iclası davam etdirilib.

“Report”un xəbərinə görə, hakim Faiq Qəniyevin sədrliyi ilə günün ikinci yarısında keçirilən prosesdə təqsirləndirilən Tərlan Məhərrəmov dindirilib.

O, D.Xəlilovun “General Construction” şirkətində baş mühasib vəzifəsində çalışdığını bildirib. T.Məhərrəmov qeyd edib ki, daha sonra “City Develepol” şirkətində rəhbər kimi işləyib: “Şirkətdə çox ciddi layihələr həyata keçirilirdi. Mənim bir rəhbər şəxs kimi heç bir qərar vermək ixtiyarım yox idi, direktor kimi səlahiyyətlərim çatmırdı. Sənədləri gətirirdilər, mən də qol çəkirdim”.

O deyib ki, Beynəlxaq Bankdan veksellərin alqı-satqısı ilə məşğul olub.

Məhkəmədə elan olunub ki, vekseller Beynəlxaq Bankdan 10 milyon manata alınıb. Təqsirləndirilən C.Hacıyev arayış verərək söyləyib ki, vekselləri “City Develepol” şirkəti buraxıb, Beynəlxalq Bank isə maliyyələşdirib. Məhkəmədə elan olunub ki, 2005-ci ilin əvvəlində bankla şirkət arasında müqavilə bağlanılıb, həmin ilin avqust ayında isə vekseller buraxılıb. T.Məhərrəmov bir daha bildirib ki, şirkətdə heç bir səlahiyyəti olmayıb.

Daha sonra C.Hacıyevin bacanağı İsmayıl Hidayət-zadə dindirilib. O bildirib ki, bina tikintisi ilə bağlı şirkət təsis edib, həmin şirkətin direktoru isə başqa şəxs – Natiq İmanov olub: “Şirkəti Dünyamin Xəlilovla Natiq idarə edirdi. Mənim bankdan götürülən kreditlə bağlı məlumatım olmayıb”.

Suallara cavab verən N.İmanov deyib ki, şirkətdə rəhbər olan zaman göstərişləri D.Xəlilovdan alıb: “Məni natarusa çağırırdılar, gedib sənədlərə imza atırdım”.

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"