İspaniyanın “Barselona” klubu ev oyunlarını keçirdiyi “Nou Kamp” stadionunun ad hüququnu satmaq niyyətindədir.
“Marca” nəşri yazır ki, satış qiyməti 300 milyon avro təşkil edəcək. Bu şərtlər Amerika və Asiya şirkətləri üçün əlverişli ola bilər. Amma hazırda Kataloniya təmsilçisinin rəhbərliyinin heç bir investorlamüqaviləsi yoxdur.
Sözləşmənin 2019-cu ilin əvvəlində bağlanma ehtimalı var.
Qeyd edək ki, “Barselona” klubu aprel ayında “Nou Kamp” stadionunun yenidənqurması üçün şəhər şurası ilə razılıq əldə edib. Bu, təxminən 600 milyon avroya başa gələcək.
