Bakıda uşaq oğrusu peyda oldu: “Dedi, gedək bizə” – Video

18 Avqust 2018 - 02:06
153 oxunma

Paytaxtda uşaq oğurluğuna cəhd etmək istəyən şəxs peyda olub.

Hadisə paytaxtın Yeni Yasamal yaşayış massivində olub. Azyaşlını oğurlama istəyən şəxsin çirkin əməli təhlükəsizlik kameralarına da düşüb.

Bu barədə sosial şəbəkədə azyaşlının valideyni Ramin Məmmədov məlumat verib. Onun sözlərinə görə, hadisə 11 avqust axşam saatlarında yaşadıqları binanın həyətində baş verib. Raminin sözlərinə görə, oğlu evə gələrək atasına onu oğurlamaq istədikələrini bildirib.

Ata əvvəlcə oğluna inanmayıb. Lakin binanın həyətində olan bir nəfər uşağın dediklərini təsdiqləyib. Bundan sonra o, ”102” xidmətinə məlumat verib. Hadisə yerinə gələn ərazi üzrə 29-cu polis şöbəsinin əməkdaşları yaxınlıqdakı mağazanın müşahidə kameralarını izləyiblər. Bu zaman həqiqətən də bir cavan oğlanın uşaqla söhbət etdiyi və onu aparmaq istədiyi görünür.

Görüntülərdən aydın olur ki, uşaq əvvəlcə həmin şəxsin danışıqlarından sonra kənara çəkilir. Daha sonra uşağı oğrulamaq istədiyi iddia edilən həmin şəxs yenindən uşağa yaxınlaşıb v qolundan tutaraq aparmaq istəyir.

Biz də sözügedən cinayətin baş verdiyi yaşayış massivində olduq. Uşaqla söhbət zamanı o bildirdi ki, həmin şəxs ondan əvvəlcə nə xoşladığını soruşub. Uşaq ona pişik balalarından xoşu gəldiyini dedikdə, gənc oğlan onlarda çoxlu sayda pişik balası olduğunu deyərək israrla evlərinə aparmaq istəyib. Həmin şəxsin hərəkətlərindən qorxan uşaq qaçaraq oradan uzaqlaşıb.

Valideynləri razı olmadığı üçün həmin azyaşlıdan aldığımız müsahibəni təqdim etmirik. Faktla bağlı isə 29-cu polis şöbəsindən ”Xəzər Xəbər”ə bildirdilər ki, görüntülər əsasında həmin şübhəli şəxsin axtarışları aparılır.

Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva

Reportyor.info saytının redaksiyası ilə əlaqə:
Telefon; +994553490491,
email - reportyor.info@gmail.com

Giriş | Hazırladı "Qurdqanlı Design"