AZƏRBAYCANLI OLİQARX MİLYONERLƏR ADASINDAKI EVİNİ SATDI – FOTO

4 Dekabr 2018 - 10:48
31 oxunma

Azərbaycan əsilli rusiyalı milyarder-oliqarx Araz Ağalarov ABŞ-ın Flordida ştatındakı Fişer adasındakı (Mayami sahilləri) elit “Palazzo Del Sol” kompleksindəki mənzilini 8.5 milyon dollara satıb. Virtualaz.org “The Real Deal” daşınmaz əmlak saytına istnadən xəbər verir ki, sənədlərə əsasən həmin mənzili alan rusiyalı Boris reznikdir. Reznik “Biorasi” araşdırma şirkətinin əsasını qoyub və onun arvadı Larisanın adına Fişer adasındakı “Seaside Village” kompleksində mənzil, habelə Aventurdakı “Hamptons Sotuh” kompleksində kondominium qeydiyyatdadır.

Bildirilir ki, Ağalarovun mənzilinin satışına dair sövdələşməyə əsasən 4738 kv. Fut ölçüsündə olan əmlak üçün hər kv.futa görə 1786 dollar hesablanıb. Lakin bu qiymətə mənzilin mebeli daxil deyil. Alıcı mebellər üçün əlavə 930 min dollar da ödəyib və nəticədə əmlakın ümumi satış qiyməti 9.4 milyon dollar olub.

“Luxe Living Realty” şirkətindən Dora Duiq bu sövdələşmədə həm satıcını, həm alıcını təmsil edib. Sənədlərə əsasən həmin mənzil 2016-cı ildə 10.7 milyon dollara satılmışdı.

264381_src

Qeyd olunur ki, Araz Ağalarov həm Rusiya prezidenti Vladimir Putin, həm ABŞ prezidenti Donald Trampla şəxsi münasibətlərə malikdir. Onun oğlu Emin Ağalarov 2016-cı ilin iyulunda Nyu-Yorkdakı “Trump Tower”də Trampın oğlu və kürəkəni ilə rusiyalı vəkil Natalya Veselnitskaya arasında görüşü təşkil etmişdi.

Həmin görüşdə rusiyalı vəkil Hillari Klinton barədə kompromatlar ötürməliydi, amma kiçik Donald Tramp bildirir ki, söhbət başlayanda Veselnitskayanın əlində kompromatların olmadığı bəlli olub. Hazırda həmin görüşü və Trampın Ağalarovla əlaqələrini Rusiyanın seçkilərə müdaxiləsi işi üzrə istintaqı aparan xüsusi prokuror Robert Müller araşdırır.

İstisna deyil ki, Ağalarovun ABŞ-dakı əmlakını satması bu istintaqla və ümumiyyətlə adının ABŞ-ın sanksiya tətbiq etdiyi rusiyalı oliqarxlar siyahısında yer alması ilə bağlı ola bilər. Fişer adası milyonerlər və milyarderlər adası kimi tanınır, oranın sakinləri ancaq zənginlərdir.

Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva

Reportyor.info saytının redaksiyası ilə əlaqə:
Telefon; +994553490491,
email - reportyor.info@gmail.com

Giriş | Hazırladı "Qurdqanlı Design"