Azərbaycanda icra başçısı 100 illik Xan çinarlarını kəsdirdi – VİDEO

12 Mart 2019 - 20:28
161 oxunma
“Çinarlar kəsilən zaman Ekologiya və Təbii Sərvətlər Nazirliyinin əməkdaşları müdaxilə etməyə çalışıb, amma Alı Alıyev onları ərazidən qovdurub”
Füzuli rayonu Horadiz qəsəbəsində 100-ə yaxın yaşı olan çinar ağacları kəsilib. Bu barədə rayon sakini Nəsimi Hüseynov məlumat verib.
O, bununla bağlı prezidentə də müraciət etdiyini bildirib.
N. Hüseynov deyib ki, Horadiz şəhərinin mərkəzi küçəsi hesab olunan “20 Yanvar” küçəsində 1950-ci illərdə əkilmiş 15-ə yaxın Xan çinarı kəsilib yox edilib.
Vətəndaş iddia edir ki, “20 Yanvar” küçəsindəki çinarlar rayon İcra Hakimiyyətinin başçısı Alı Alıyevin göstərişi ilə kəsilib.
Məlumata görə, Alı Alıyev 100 illik ağacları ona görə kəsib ki, guya Xan çinarları Horadiz şəhəri “20 Yanvar” küçəsinin hasarlarının görünüşünə mane olurmuş: “Çinarlar kəsilən zaman Ekologiya və Təbii Sərvətlər Nazirliyinin əməkdaşları buna müdaxilə etməyə çalışıb, amma Alı Alıyev onları ərazidən qovdurub. Görünür, prezident İlham Əliyevin ağacların kəsilməməsi ilə bağlı dəfələrlə etdiyi xəbərdarlıqları Alı Alıyev qulaqardına vurub. Belə olmasaydı, icra başçısı prezidentin xəbərdarlığına nəzərə alaraq Xan çinarlarını kəsdirməzdi…”
Çinar ağaclarının kəsilməsini əks etdirən video görüntülər sosial şəbəkələrdə də yayılıb.
Füzuli Rayon İcra Hakimiyyətindən isə məsələyə münasibət bildirilməyib. (azfakt.az)

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"