Hüquqşünas Aslan İsmayılovun “Yeni Müsavat” Media Qrupunun rəhbəri Rauf Arifoğluna yönəlik sayıqlamalarına reaksiyalar davam edir. “Yeni Müsavat” qəzetinin baş redaktorunun I müavini Azər Ayxan feysbukda A.İsmayılovun cavabını verib. Həmin yazını olduğu kimi təqdim edirik:
“Aslan İsmayılov yenə “Yeni Müsavat”a və Rauf Arifoglu na hücuma keçib. Ramiz Mehdiyevi bizdən və hər kəsdən müdafiə etmək kimi bir vəzifə götürüb üzərinə. Rauf bəyi R.Mehdiyevə cavab verdiyi üçün suçlayıb.
Əsas “arqumenti” də budir ki, guya vaxtilə R.Arifoğlu Mehdiyevə ad günündə gül dəstəsi göndərib. Buna görə də R.Arifoğlu sabiq aparat rəhbərinin “üzünə ağ olmaqda” yanlış yapır. Şərin vəkili qədim peşə sahibləri stilində şər-böhtan atır bizə.
İllər öncə “Yeni Müsavat” qəzeti və iki əməkdaşı – Rey Kerimoglu Qazi və Sevinc Telmanqızı olduqca maraqlı, orijinal, jurnalistika üçün örnək bir proje həyata keçirdilər. R.Mehdiyevin ad günündə PA-nın binasına gedib, ona hədiyyə gətirdiklərini, şəxsən təqdim etmək istədiklərini və müsahibə almaq niyyətdində olduqlarını söyləyiblər. Aparat bir-birinə dəyib.
Jurnalistlərin bu gözlənilməz jesti dövlətin əsas binasında çaşqınııq yaradıb. “Yeni Müsavat” və adını qeyd etdiyim həmkarlarım belə projeləri çox ediblər. Maraqla oxunub, xeyli səs-küy yaradıb. Aslan İsmayılov üstündən illər keçdikdən sonra bunu Rauf bəyə qaxınc kimi yazırsa, demək, adam həm qərəzlidi, həm də jurnalistikadan xəbərsizdi.
Ramiz Mehdiyevi bu şəkildə müdafiə etmək, söz azadlığına, demokratiyaya, Azərbaycana düşmən kəsilmək deməkdi. Bunu kim edirsə, səfini, sırasını bəlli edir.
Aslan İsmayılovla bağlı bir məqamı yazmaq qərarına gəldim. İlk dəfədi bu mövzunu ictimailəşdirirəm. Buna Aslanın Rauf Aridoğluna qarşı davamıı qərəzli rəftarı səbəb oldu. Yoxsa bu məsələyə heç vaxt toxunmayacaqdım.
Bu o Aslandı ki zamanında sabiq nazirlərdən bir neçəsinin maklerliyini edirdi. O nazirlərdən yazmamaq üçün redaksiyalara gedir, qəzet-sayt rəhbərlərilə görüşürdü.
Bir sabiq nazirlə bağlı mənimlə də iki dəfə görüşüb. Dil tökdü. Xahiş etdi. O nazirdən pul almışdı. Qaytarmaq istəmirdi. Bunu mənə açıqca dedi. Hələ mənə təklif elədi ki məbləği artıraq, bölüşərik. İnanın ki, o vaxt şokdaydım.
Aslan İsmayılovu çox böyütmüşdüm gözümdə. O axşam, Nərimanov parkında çilik-çilik olub tametlərin üstünə dağıldı Aslan obrazı gözlərimdə. Onun bu qəbildən olan təkliflərini rədd etdik. Ortada dələduzluq olduğu aşkar idi. Sonra məlum oldu ki redaksiyalara verəcəyi adıyla həmin nazirdən xeyli pul alıb.
Yeri gəlmişkən, A.İsmayılov vəkil kimi fəaliyyət göstərəndə də bu kimi maklerlikləri çox edib. O, hüquqşünaslıqdan, vəkillikdən çox makler kimi ad çıxarmışdı. Bunu bilən xeyli sayda adam var.
İndi bu məişət dələduzu, bəsit bir dolandırıcı bizə və digərlərinə əxlaq dərsi keçmək istəyir. Hər addımda Rauf Arifoğlunun kölgəsini qılınclayır. Vaxt vardı onun qəzetinə müsahibə vermək üçün günlərlə Rauf bəyə yalvarırdı, yaltaqlanırdı. Razılıq verəndə də qoltuğuna bir şokolad qutusu vurub, Zülümov pozasında redaksiyaya girirdi. Gərçi bu adam indiyədək çox yerə girib-çıxıb. Bir növ adətkardadı…”
