ATƏT-dən bloklanan saytlarla bağlı hökumətə çağırış

11 Avqust 2018 - 09:26
233 oxunma

ATƏT-in Media Ofisinin rəhbəri Harlem Desir Azərbaycan hökumətinə müraciət edib. Müraciətdə xəbər saytlarının böhtan əsası ilə bloklanmasından narahatlıq ifadə olunub.

Müraciət haqqıında ATƏT-in press-relizində bildirilir.

“Saytlara girişin xüsusilə son dərəcə mübahisəli olan böhtan iddiaları ilə əngəllənməsi tənqidi səslərin qarşısını ala biləcək həddini aşan bir tədbirdir”, Halem Desir-in açıqlamasında bildirilir.

“Medianı təsirləndirən hər hansı məhdudlaşdırıcı tədbirlər hüquqi baxımdan aydın, dəqiq, ayrı seçici olmayan meyarlara söykənən beynəlxalq standartlara uygun olduqda haqlı hesab edilə bilər. Belə olmadığı təqdirsə, məhdudlaşdırıcı tədbirlər media və ifadə azadlığı ilə bağlı olan başqa hüquqlara da zərər vuracaqdır”, açıqlamada daha sonra vurğulanır.

Sənəddə həmçinin daha əvvəl – 2017-ci ildə Azadlıq qəzetinin, AzadlıqRadiosunun internet saytlarının, Azərbaycan Saatı proqramlarının, Meydan TV və Turan TV-nin blok edilməsinə də toxunulur.

H.Desir müraciətində Bastainfo.com, Criminalaz.com, criminal.az   internet saytlarının, APA agentliyinin qapadılmasını da narahatlıq doğuran hal kimi qeyd edib.

“Hökumət rəsmilərini əngəllənmiş bütün saytlara girişi bərpa etməyə və ifadə azadlığı hüququna təsir edən qanun və qaydaları islahat etməyə çağırıram”, ATƏT-in Media Ofisinin rəhbəri müraciətinin sonunda vurğulayıb.

Yada salaq ki, NRYTN  məhkəməyə müraciət edərək, Xural.com, Arqument.az, Anaxeber.az,“24saat.org”  saylarının da bloklanmasına nail olub.

Reportyor.info saytının redaksiyası ilə əlaqə:Telefon - 0553490491, Email - [email protected]



Baş redaktor: Arifə Əliyeva

Reportyor.info saytının redaksiyası ilə əlaqə:
Telefon; +994553490491,
email - [email protected]

Giriş | Hazırladı "Qurdqanlı Design"