Özünü din xadimi kimi təqdim edən, 20-yə yaxın cinayətdə ittiham edilən və 2 gün öncə həbs edilən Adnan Oktarın malikanəsindən qəribə əşyalar tapılıb. Publika.az xəbər verir ki, istintaq əməliyyatları zamanı villadan onlarla mikrodalğalı soba çıxıb.
“Hürriyət” qəzetinin müxbiri Nagihan Alçının verdiyi məlumata görə, evin müxtəlif bölgələrinə yerləşdirilən mikrodalğalı sobalar ehtimal olunan hər hansı basqın zamanı cinayət dəlilərinin olduğu yaddaş disklərini və telefonları əritmək məqsədilə istifadə ediləcəkmiş.
Kişilərin təşkilat daxilində yüksəlməsi üçün iki şey tələb edilib: pul və qadın. Adnan Oktara pul və qadın gətirən şəxslər onun gözündə dəyər qazanıb. Qadın tapmaq üçün hər kəsin onun üçün nəzərdə tutulan məkanda işlməsi tələb olunub. Belə ki, yaraşıqlı və varlı mürid kişilər müxtəlif restoranlarda, kafelərdə və barlarda qızları yoldan çıxarıblar. Onlara evlənmə vəd edib və intim görüntülərini lentə alıblar. Daha sonra psixologiyaya təsir edən dərmanlar vasitəsilə qızları ələ alaraq kütləvi cinsi təcavüz ediblər. Adnan Oktarın qarşısına bütün bu proseslərdən keçən qadınları çıxararaq, “hocanın” onlara rahatlıq və saflıq bəxş edəcəyinə inandırıblar.
Discussion about this post