ABŞ Hərbi Hava Qüvvələrinə məxsus qırıcı təyyarənin UNO (Uçan Naməlum Obyekt) arxasınca düşməsi barədə yeni görüntülər yayılıb.
Axar.az xəbər verir ki, görüntüləri “To the Stars Academy of Arts and Science” analitik şirkəti paylaşıb.
Məlumata görə, görüntüləri F/A-18 Hornet qırıcı təyyarəsi 2015-ci ildə ABŞ şərq sahillərində 7500 metr yüksəklikdə çəkib. Videoda oval formalı naməlum obyektin dənizin səthi boyu yüksək sürətlə hərəkət etdiyi müşahidə olunub. Pilotların sözlərinə görə, isə daha əvvəl heç vaxt müşahidə edilməyən belə bir obyekti yalnız üçüncü cəhddən hədəfə almaq mümkün olub.
Qeyd edək ki, 2017-ci ilin dekabr ayında Pentaqon 2004-cü ildə UNO-nun tutulması əməliyyatı zamanı çəkilən görüntüləri yaymışdı. Naməlum obyektin ABŞ-a məxsus istənilən qırıcı təyyarədən daha yüksək sürətlə uçduğu açıqlanmışdı.
Discussion about this post