ABŞ hədəfinə çatdı: İranda sosial partlayışlar…

18 Noyabr 2019 - 09:14
43 oxunma

Hazırda İran 9 milyonluq məmur aparatına, 4 milyonluq təqaüdçüyə, eləcə də 102 dollar müavinət alan 60 milyon nəfərə ödəniş etmək üçün vəsait axtarır.

Axar.az xəbər verir ki, bu sözləri “Haqqin.az”a açıqlamasında iranlı politoloq Əhməd Hüseyni deyib. O, məhz buna görə hökumətin benzinin qiymətini qaldırdığını vurğulayıb:

“Bu tendensiyanın zəncirvari xarakter daşıyacağı güman edilir. İşə artıq İranın qeyri-hökumət təşkilatları və Qumdakı ruhanilər cəlb edilib. Onlar Ruhanini qiymət artımını ləğv etməyə çağırıblar. İran büdcəsinin təxminən 80%-i neft satışı hesabına formalaşır. Parlament indi dövlət büdcəsinə praktik olaraq mövcud olmayan vəsaitlər axtarmaq məcburiyyətindədir. Belə ki, situasiya çox ciddidir və yeni sosial partlayışlar təhdidi var”.

Qeyd edək ki, İranda benzinin qiyməti üçqat artırılıb. Bunun ardınca ölkənin əksər şəhərlərində izdihamlı aksiyalar başlayıb. Aksiyalarda polislə toqquşmalar zamanı 9 nəfərin öldüyü (həmçinin bir polis zabiti də həlak olub), 1000-ə yaxın insanın həbs edildiyi bildirilir.

 

Ruhani isə ötən gün benzin qiymətinin artmasından zərər görən şəxslərə yardım edilməsi haqda fərman imzalayıb.

Sosial şəbəkədə paylaş

Share to MyWorld
Share to Odnoklassniki
Share to Yandex
Reportyor.info saytının redaksiyası ilə əlaqə:Telefon - 0553490491, Email - reportyor.info@gmail.com



Baş redaktor: Arifə Əliyeva Vahid qızı

Reportyor.info saytının redaksiyası ilə əlaqə:
Telefon; +994553490491, +994706307040
email - reportyor.info@gmail.com

Giriş | Hazırladı "Qurdqanlı Design"