Xarici telekanalların jurnalistləri nə qədər radikal suallar versələr də cənab Prezident İlham Əliyev çox sakit və bir az da istehzalı təbəssümü ilə bütün suallara tutarlı cavablar verir. Onun soyuqqanlığını itirməməsi, və yerində olan cavabları həmin jurnalistlərin nitqini qurudurdu”.
Bunu Versus.Az-a Azərbaycan Prezidenti İlham Əliyevin ard-arda xarici telejurnalistlərə verdiyi müsahibələrlə bağlı açıqlamasında Müasir Müsavat Partiyasının (MMP) sədr müavini Könül İsmayılova bildirib.
MMP sədr müavini qeyd edib ki, ölkə başçısı bu müsahibələri ilə Azərbaycanın yalnız hərbdə deyil, informasiya məkanında da qalib olduğunu göstərmiş oldu:
“Yalnız qardaş Türkiyədən olan telekanalların jurnalistləri sualları verərkən əsl jurnalist kimi mövqe göstərmədən dünyanın maraqlarında olan sualar verirdi. Digər telekanalların jurnalistləri isə sanki mənsub olduqları dövlətin prezidentlərinin suallarını səsləndirirdilər. Amma İlham Əliyev sanki belə bir sualların veriləcəyini əvvəlcədən bilirmiş kimi faktlar, səbəblər gətirərək cavab verirdi. Və o jurnalistlər də qandılar ki, qarşılarındakı Ermənistanın hansısa savadsız, heç bir dili mükəmməl bilməyən, əlində danışdığı nağılları sübut edəcək faktı olmayan Paşinyan deyil. Onlar cənab Prezidentlə müsahibələrini hələ çox müzakirə və müqaisə edəcəklər”.
Siyasətçi xanım qeyd edib ki, ölkə başçısının xalqa müraciətində Ermənistanın Azərbaycan ordusu tərəfindən zərərsizləşdirilən, məhv edilən silah və döyüş texnikasının sayını diqqətə çatdırması həm də düşməni himayə edənlərə ünvanlanan və cavabı gözlənilən sualdır:
“Bütün dünya bilir ki, Ermənistanın iqtisadi vəziyyəti sıfıra bərabərdir. Buna görə də İlham Əliyevin haqlı olaraq “bəs bu qədər döyüş texniksı Ermənistanda hardandır” sualını verir. Ermənistanın himayədarları isə susurlar. Təbii ki, susacaqlar, dəstəkçi olduqlarını açıq şəkildə bəyan etmiyəcəklər ki… Haqlı tərəf Azərbaycan olduğu üçün bu ölkələrin kor-koranə tərəfini saxladıqları Ermənistana görə dilləri gödəkdir”.
